Këtë të mërkurë, në Pallatin e Kongreseve po mbahet premiera e filmit “I love Tropoja”. Në këtë event të shënuar për kinemanë shqiptare, është spikatur prania e personazheve të njohur të ekranit.
Të pranishëm ishin aktorë, regjisorë, politikanë biznesmenë dhe miq të aktorit Ermal Mamaqi që në këtë rast është producent i filmit.
Gazetarja e Fjala.al, Enkeleda Fishekaj, e cila ishte e pranishme në eventin për premierën e filmit, ka marrë në intervistë disa prej aktorëve që ishin të pranishëm.
https://youtu.be/9bVWpjMpHdo
Aktori i njohur i humorit Rezart Veleshnja, i cili luan në spektaklin “Portokalli”, për mikrofonin e Fjala.al, deklaroi me humor se do të largohej nga premiera e filmit të mikut të tij nëse i pranishëm do të ishte dhe kryeministri Edi Rama.
Ndërkohë, këngëtarja e njohur Soni Malaj, ka shprehur “xhelozi” për rolin e të bukurës së Tropojës. Këngëtarja ka deklaruar se do ta kishte pranuar me kënaqësi të luante rolin e të bukurës së Tropojës nëse Ermali do ta kishte ftuar.
Ndërkohë, aktori i njohur Vis Ukcenaj, i cili luan në spektaklin “Klanifornia”, ka thumbuar kryeministrin Edi Rama. Ky i fundit luan si aktor në filmin “I love Tropoja”.
Aktori Ukcenaj tha me humor se shpresonte që Edi Rama si aktor të mos jetë si është në realitet në postin e kryeministrit.
Filmi “I love Tropoja” është filmi i tretë për aktorin dhe producentin Ermal Mamaqi. Dy filmat e tij të mëparshëm, shumë të suksesshëm, janë “Dy gisht Mjaltë” dhe “Femrat”. /Fjala.al
