Kur mazhoranca dhe opozita janë ulur në tryezën e bisedimeve për të punuar mbi reformën zgjedhore, kreu i shtetit Ilir Meta ka theksuar se shqiptarët kanë nevojë më shumë se kurrë për dialog me njëri-tjetrin.
“Shqiptarët kanë nevojë më shumë se kurrë për dialog të vërtetë dhe të hapur”, ka deklaruar Presidentit Ilir Meta në veprimtarinë e prezantimit të Mesazhit të Paqes së Atit të Shenjtë, Papa Françesku.
Sipas Kreut të Shtetit, shqiptarët duhen dëgjuar dhe jo përjashtuar.
“Sot shqiptarët kanë nevojë më shumë se kurrë për një dialog të vërtetë me gjithsecilin prej tyre. Ata duan që zëri i tyre të dëgjohet, të kenë lirinë e zgjedhjes, të fjalës, të jenë aktivë dhe faktorët më kryesorë në ruajtjen e Kushtetutës, demokracisë, dhe në vendimmarrjen, dhe destinacionin evropian të vendit. Shqiptarët duhen dëgjuar dhe jo përjashtuar!”, u shpreh Meta.
