Aeroporti Ndërkombëtar i Rinasit ka njoftuar se më datë 28 Mars do të nisin fluturimet direkte Tiranë-Dubai. Në njoftim thuhet se linja ajore me bazë në Dubai do të kryejnë linjën me Tiranën dy herë në javë, të enjte dhe të dielë me një avion një Boeing 737.
Fluturimet do të nisen nga Tirana në 13.30 për të mbërritur në orën 21.55 ndërsa fluturimi i kthimit në 9.35 të mëngjesit, ora lokale, nga Dubai dhe arrin në Tiranë në 12.30 të drekës.
“Aeroporti Ndërkombëtar i Tiranës (TIA) njofton fillimin e fluturimeve direkte me Aeroportin Ndërkombëtar të Dubait (DBX) dhe anasjelltas, duke filluar nga data 28 Mars 2021. Linja ajrore me bazë në Dubai, Flydubai, do të operojë dy herë në javë, të Enjteve dhe të Dielave, me një Boeing 737. Flydubai do të jetë linja e parë me qendër në Dubai që ofron fluturime direkte në këtë itinerar.
Fluturimet do të nisen nga TIA në 13.30 të pasdites duke arritur në DXB në 21.55 të darkës, të orës lokale. Fluturimi i kthimit niset në 9.35 të mëngjesit, ora lokale, nga Dubai dhe arrin në TIA në 12.30 të drekës. Kompania ajrore Emirates do të operojë tranzit së bashku me kompaninë Flydubai duke u ofruar udhëtarëve më shumë lidhje pa ndërprerje përmes qendrës ndërkombëtare të aviacionit të Dubait në 155 destinacione duke përfshirë Australinë, Kinën, Oqeanin Indian, Japoninë dhe Azinë Jugore.
