Ministrja për Evropën dhe Punët e Jashtme Olta Xhaçka, e cila kandidon në Korçë si deputete thotë se nga sot do të jetë në këtë qytet për të vijuar projektin e së ardhmes.
Përmes një mesazhi në “Facebook”, Xhaçka shkruan se është rikthyer tek rrënjët e saj, tek origjina e fëmijëve, së bashku me ekipin e një qarku përherë fitues.
“Rikthim tek rrënjët e mia, tek origjina e fëmijëve të mi. Në Korçë nga sot, për të vijuar projektin e së ardhmes me Nikon dhe ekipin e një qarku përherë fitues.
E privilegjuar që këto zgjedhje do punoj me Erjonin në Kolonjën fisnike, ku nuk ka kohë për pushim, për vijimin e punëve të mira të nisura. Mirënjohje për Dibrën, ku në 2 vjet ndërtuam atë që sot është ekipi i besimit”, shkruan ajo.
