SHBA-të në kuadër të emergjencës së shëndetit publik në lidhje me situatën e krijuar nga coronavirus, ka marrë vendimin që të mos lejojë të futet në vend asnjë shtetas i huaj, i cili ka vizituar Kinën.
Gjithashtu edhe shtetasit amerikanë, të cilët kanë vizituar Kinën do të rinë 14 ditë në karantinë në mënyrë që të ekzaminohen nëse janë ose jo të kontaminuar me coronavirus.
Sekretari për Shëndetësi dhe Shërbime Njerëzore, Alex Azar ka njoftuar se këto masa ekstreme do të hyjnë në fuqi nesër.
“Ka shumë gjasa që do të vazhdojmë të shohim më shumë raste në Shtetet e Bashkuara në ditët dhe javët në vijim”, -tha Azar.
Sipas raporteve ka mbi 14 mijë persona, të cilët kanë udhëtuar me avion nga SHBA-ja në Kinë çdo ditë vitin e kaluar./Fjala.al
