Një 17-vjeçar ka rënë në prangat e policës ditën e sotme në Tiranë, i akuzuar për vjedhje. Me një njoftim për mediat, Policia bën me dije se i mituri me inicialet M.B., dyshohet se ka kryer dy vjedhje natën e mbrëmshme. Po ashtu ai dyshohet se është autor i disa vjedhjeve të tjera në qarkun e Tiranës. Në cilësinë e provës materiale iu sekuestruan disa prej sendeve të vjedhura.
“Nga specialistët për Hetimin e Krimit në Komisariatin e Policisë Nr.3 u bë arrestimi i shtetasit të mitur me iniciale M. B., 17 vjeç, për veprën penale “Vjedhja”, pasi gjatë natës ka kryer 2 vjedhje. Gjithashtu ky shtetas dyshohet se është autor i disa vjedhjeve të tjera në Qarkun e Tiranës. Në cilësinë e provës materiale iu sekuestruan disa prej sendeve të vjedhura”, njofton policia.
