Ministria e Jashtme e Kinës ka lëshuar një kritikë të fortë ndaj SHBA-ve, duke akuzuar rivalin e saj global se në vend që të ofrojë ndihmë ajo vepron për të krijuar dhe përhapur frikë e panik pas shpërthimit të coronavirusit.
Zëdhënësi i ministrisë Hua Chunying, u shpreh se Shtetet e Bashkuara ishin vendi i parë që sugjeruan tërheqjen e pjesshme të stafit të saj të ambasadës dhe që ndaloi hyrjen e për udhëtarët kinezë.
“SHBA ka krijuar dhe përhapur frikë, që është një shembull i keq. Kina shpresonte se vendet do të bënin gjykime të arsyeshme, të qeta dhe të bazuara në shkencë.” -tha Hua.
Gjithashtu Kina ka lëshuar thirrje për maska mjekësore kostume mbrojtëse dhe syze.
“Ajo që kërkon urgjentisht Kina për momentin janë maska mjekësore, kostume dhe syze mbrojtëse ,” tha Hua Chunying në një konferencë shtypi të hënën në mëngjes.
Fabrikat e Kinës mund të prodhojnë 20 milion maska në ditë, por paniku mbi virusin ka bërë që njerëzit në vend prej 1.4 miliardë banoresh të kërkojnë pajisjen me maska kirurgjikale, ndërsa personeli ka raportuar mungesa të pajisjeve./Fjala.al
