Partia Socialiste në pushtet e Shqipërisë dukej e vendosur të fitonte zgjedhjet kombëtare të së dielës dhe të siguronte një mandat të tretë për Kryeministrin Edi Rama, dhe kështu e nxorrën ExitPoll-et.
Sipas sondazhit të Albanian Post, socialistët e Ramës dalin fitues me 46.9% të votave. Kjo do t’u jepte socialistëve një shumicë të vogël prej 71 vendesh në parlamentin me 140 vende.
Partia Demokratike, e udhëhequr nga Lulzim Basha, del me 43.5% të votave ndërsa partia tjetër më e vogël e opozitës, Lëvizja Socialiste për Integrim, parashikohet të dalë e treta me 6.9% të votave.
Rezultatet zyrtare nuk priten para të hënës.
Shqipëria, e cila ka një popullsi prej 2.8 milion, por 3.6 milion votues për shkak të diasporës së saj të madhe, ka një histori dhune dhe akuzash për mashtrim gjatë zgjedhjeve në tre dekada që nga fundi i komunizmit.
Të mërkurën, një mbështetës i Partisë Socialiste u vra dhe katër persona u plagosën gjatë një shkëmbimi zjarri pas një mosmarrëveshje midis mbështetësve të Socialistëve dhe Demokratëve.
Shqipërisë iu dha statusi i kandidatit të Bashkimit Evropian në 2014, por ka pasur pak progres për shkak të mungesës së reformave brenda Shqipërisë.
Votuesit janë të etur për t’i dhënë fund korrupsionit të përhapur. Shqipëria renditet e 104-ta në listën e 180 vendeve të Transparencës Ndërkombëtare për vitin 2020 dhe akuzohet nga Shtetet e Bashkuara si një burim kryesor për prodhimin e marihuanës dhe dërgesave të tjera të drogës.
