Ish-ministri i Drejtësisë Ylli Manjani e cilëson SPAK-un si një strukturë monstër që do të bëjë gjëmën.
Sipas tij, “SPAK do të jetë tejet e rrezikshme me kompetencat që i janë dhënë.
“SPAK ishte thelbi i reformës në drejtësi, kjo ka qenë çështja më shumë konsensuale. Ca politikanë e kanë votuar nga belaja, ca nga sikleti… Ca nga dëshira për të qenë më shumë amerikanë se amerikanët. Nëse lexoni ligjet si është ndërtuar kjo strukturë, ajo është strukturë monstër. I lejohet të bëjë çdo gjë, të përgjojë, të gjëmon…”, tha Ylli Manjani.
“Ideja e krijimit të SPAK ishte që të krijohet një bërthamë e fortë shtetërore, e pavarur në ekstrem. Me qëllim që të kishte dy funksione, lufta kundër korrupsionit dhe BKH me krimin e organizuar dhe trafiqet”, tha më tej ish ministri i Drejtësisë, duke theksuar se kjo strukturë ka të drejtë të hetojë nga Presidenti, Kryeministri, ministrat etj.
Dita e sotme tetë anëtarët e parë të SPAK-ut u betuan përpara presidentit Ilir Meta. Ndërsa po pasditen e sotme anëtarët e Këshillit të Lartë të Prokurorisë përmbysën me votë të enjten një vlerësim të mëparshëm të tyre dhe vendosën në krye të Prokurorisë së Posaçme kundër Korrupsionit dhe Krimit të Organizuar, SPAK, prokurorin Arben Kraja.
