Janë publikuar pamjet nga rrethimi që skuadra “Operacioni Forca e Ligjit” i bëri sot resortit “Golden” në Shijak, që është në pronësi të shtetasit Altin Hajri. Hajri vijon të jetë në kërkim nga autoritetet shqiptare për shkak të vrasjes së shtetasit Jan Prenga.
Efektivët kanë qenë të shumë në numër dhe të armatosur rëndë teksa kanë bërë sekuestrimin e resortit luksoz.
Një efektive ka lexuar përpara derës hyrëse të resortit dhe arsyet e sekuestrimit dhe procedurën që do të ndiqet. Pasi Prokuroria e Posaçme t’i drejtohet Gjykatës së Posaçme për këtë sekuestrim, prona do t’i kalojë në administrim Ministrisë së Brendshme, e cila do të vendosë nëse godina do të shtetëzohet ose do të shembet.
