Studio e 360 gradë është përfshirë nga nota të ashpra debate e kundërthënie mes ish-shefit të Shërbimit Sekret Shqiptar, Fatos Klosit dhe gazetarit Basir Çollaku. Duke folur për paketën AntiKÇK, Klosi tha:
“Shqipëria në këtë sistem që ndodhemi ka pasur fatin e madh të marrë eksperiencë nga vendet e tjera. Por është gjë tjetër t’i vësh në zbatim ato që merren teorikisht si eksperiencën.
Pra paketën AntiKÇK nuk mund ta dënojmë pa e provuar. Do bëhen shumë prova në Shqipëri, sepse janë gjëra të reja. Nuk janë ato me të cilat ishim mësuar shumë vite më parë.
Këtu ndërhyn padituria por dhe interesat e atyre që janë në krye të punëve. Por duhet ta përballojmë.
Megjithatë duhet të jemi optimist për çdo gjë të mirë që bëhet”.
Por ka ndërhyrë gazetari Basir Çollaku. “Kemi 7 vjet pa vullnet”, tha ai.
Kësaj ndërhyrje Klosi i është kundërpërgjigjur me një kundërpyetje: “Po kush ka pasur vullnet në këto 30 vjet?”
Me nota të acaruara gazetari Çollaku i është kthyer Fatos Klosit: “Je një ish-Shefi i Shërbimi që bën tallave nëpër studio. Shefat e shërbimeve sekrete flasin një herë në 20 vjet”.
