Juristja, Brizida Gjikondi, thotë se nëse Rama e ka seriozisht me paketën anti-KÇK duhet ta nisë nga bashkia e Tiranës, me verifikimin e lejeve të ndërtimit.
Në emisionin “360 Gradë”, Gjikondi e cilësoi të gabuar nisjen e këtij operacioni me resortin e vëllezërve Hajri në Shijak, për të cilin tashmë kishte nisur një hetim.
“Janë të gjithë rrethanat që Rama të ndërmarrë këto hapa konkretë edhe pse ka pasur bazë ligjore të mëparshme. Unë nuk e di se kë do të godasë ai, sa përzgjedhës është.
Por mjafton të shkojë në Bashkinë e Tiranës dhe të shikojë lejet e ndërtimit që jepen në mes të Tiranës dhe të kontrollojë këta ndërtues që kanë dalë papritur si kërpudhat këtë 5 vjeçar”, tha Gjikondi.
