Ambasadori shqiptar në kinë Selim Belortaja, ka folur rreth situatës së coronavirus, e cila mesa duket nuk është aq në kontroll sa pretendohet. Ambasadori shprehet se Kina komuniste po mundohet që ta paraqesë situatën me optimizëm dhe se virusi nuk është shqetësim për të, por ky coronavirus nuk është thjesht çështje psikologjie.
Beloraja na fton të shohim raportet e Organizatës Botërore të Shëndetësisë edhe pse ato janë vjetruar pasi situata e coronavirus përkeqësohet me një diferencë të shkurtër orësh. Ai bën thirrje që të kemi vigjilencë maksimale dhe të respektojmë standardet e higjienës pasi bëhet fjalë drejtpërdrejt me jetët tona.
Ambasadori ka ndjekur nga afër situatën e shpërthimit të virusit në Kinë dhe ky fakt e bën të prekur emocionalisht më shumë se të tjerët për sa i përket gjendjes së epidemisë.
Selim Belortaja shkruan:
“Ne kohe epidemish e krizash është e pritshme që të plasin të dyja: edhe ekzagjerimet (deri ne tablo apokaliptike!) por edhe euforia dhe shpartallimi i virusin ..me rrahje gjoksi e recitime! Qarkullon dhe nje videokëngë këto ditë ”pop-style”, kur pas çdo strofe, një grafikë grushti e dërgon ne djall virusin ..vetëm me një uppercut! Lulëzojnë mitet dhe imagjinata dhe pak hapësire ngelet për shkencëtaret e vërtete qe po luftojnë të gjejnë rrënjët e virusit, izolimin e tij, ilaçin për shërim. Dhe masën mbrojtëse për me tej.
Jam i shtrënguar ta ndërhyj sërish për përgjegjësinë qe kemi ndaj bashkëkombësve këtu. Shpërthimi i nCoV nuk është ndalur aspak. Nuk ka ende një ilaç kundër nCoV!! (shih OBSh bashkangjitur). Numuri i të infektuarve rritet me rreth 3000 në ditë (gjithsej raportohen 20.613). Ndërsa vdekjet ditore shkojnë 50-60 (65 vdekje ditën qe shkoi). 427 shifra gjithsej. Jo vetëm udhëheqja e qeveria, por e gjithë shoqëria kineze i është dedikuar këtij prioriteti absolut: stopimit të epidemisë dhe gjetjes së formulës shkencore për shërimin. E hapur ndaj bashkëpunimit ndërkombëtar. Por ende pa ndonjë deklaratë Relaksi e ..Zgjidhjeje!
Sot që flasim nuk kemi kurrfarë arsye për eufori. I drejtohem sidomos motrave e vëllezërve shqiptare ne Kinë. Sado të ashpra e vështirësuese që po bëhen për jetën e përditshme: ndiqni e respektoni kufizimet, rregullat e rekomandimet e autoriteteve këtu: administrative e higjeno-sanitare. Ato dinë më shumë se ç’bëhet këtu. E dyta, merreni në dore vete zgjedhjen tuaj për vendqëndrimin këto javë! askush nuk ka zbuluar ndonjë formule qe s’jua tregon juve! Askush s’ka ndonjë platformë shtetërore të rezervuar! merrni vendim të pjekur.
Ndiqni se paku Faqen e OB Shëndetësisë! Raportimi këtu (foto bashkangjitur) është vjetruar tashme. Sot ka shifra te tjera. Të jemi optimiste ne vullnetin e kapacitetet e Kinës dhe përpjekjen e përbotshme është vetëm njëra ane. Tjetra është persistenca e pashembullt e këtij virusi. Uroj shëndet e fat të mire për gjithkënd, në Shqipëri, Kinë e anekënd botës.”
