Edhe sot kanë vijuar protestat e punëtorëve të uzinës së naftës në Ballsh.
Punëtorët u mblodhën përpara uzinës duke zhvilluar një protestë paqësore, por duke parashtruar të gjitha kërkesat e tyre.
‘’Ne donim të kishim një takim me Ministren e Energjetikës, por prefekti na çoi një mesazh sot dhe tha do keni një takim të enjten por jo me ministren.
Zhvishu nga petku i ministres dhe kthehu në një nënë, në një prind, na kërkon fëmija bukë. Mallakastra sot është në gjendje katastrofike. Ne nuk kemi marrë asnjë përgjigje nga qeveria.
Ne jemi shumë të irrituar, nuk e di se çfarë vendimi do marrim,” deklaroi një nga punëtorët.
Një tjetër punëtor u shpreh se kërkojnë pagat e prapambetura dhe të fillojë puna në uzinë sa më shpejt. Gjithashtu ai tha se politikanët i kanë lënë jetim, asnjë nuk i takon.
