Nesër do të bëhet publika shuma e dëmeve që ka shkaktuar në vendin tonë tërmeti famëkeq i 26 nëntorit. Sipas “News 24”, raporti do të publikohet nesër, në orën 09:30, nga Qeveria.
Raporti do të paraqitet tek Europe House, ndërsa prezantimi do të bëhet nga ministri Blendi Çuçi, i cili është edhe drejtuesi qendror i zyrës Operacionale për Menaxhimin e Fatkeqësisë Natyrore.
Të pranishëm gjatë prezantimit do të jenë edhe ambasadori i Bashkimit Evropian në Tiranë, Luigi Soreca, si dhe përfaqësues nga Banka Botërore.
