Policia e Përmetit ka arrestuar një 36-vjeçare ndërsa ka shpallur në kërkim një 28-vjeçar, nën akuzën e grabitjes së shumës prej 75 mijë eurosh.
Sipas policisë, 63-vjeçari me inicialet K.P denoncoi vjedhjen e parave nga banesa e tij. Pas operacionit policor u arrestua 36-vjeçarja banuese në qytetin e Përmetit ndërkohë shpalli në kërkim bashkëpunëtorin e saj P. P., 28 vjeç, i cili është një person me precedent penal.
Në cilësinë e provës materiale u sekuestruan 27 000 euro.
Materialet hetimore i kaluan Prokurorisë së Rrethit Gjyqësor Përmet, për veprime të mëtejshme.
