Nga Shtetet e Bashkuara, kryetarja e LSI, Monika Kryemadhi thotë se po kryen takime me drejtues të institucioneve në Uashington, për të rakorduar zgjidhjen e krizës të cilën po kalon Shqipëria.
Sipas saj Shqipëria është gati shpirtërisht për hapjen e negociatave, por nuk ofron kapacitete njerëzore , profesionale dhe intelektuale për të vazhduar procesion e integrimit dhe anëtarësimit
Kryemadhi shprehet se dy nga problemet e Shqipërisë sot janë varfëria dhe ikja e rinisë. Po ashtu ajo shton se takimet në Uashington vlejnë për të rakorduar një axhendë të rëndësishme e cila do të zgjidhë çastin e krizës që po kalon Shqipëria.
E qartë për të është se harta e vetme për integrimin europian janë 9 kushtet e Bundestagut edhe që korrespondon në një linjë me BE dhe SHBA.
