Partia Demokratike në një deklaratë nëpërmjet ish-deputetit Flamur Noka, ka hedhur akuza të forta për vëllanë e kryeministrit Rama dhe nipit të diktatorit Enver Hoxha.
Ai ka nisur fjalimin e tij duke thënë se Edi Rama është i pafuqishëm për të luftuar krimin. Sipas tij “Forca e ligjit” nuk do të godasë trafikantët, të cilët janë në miqësi dhe biznes me Olsi Ramën duke përmendur nipin e diktatorit Enver Hoxha. Noka ka shtuar se Shqipëria ka nevojë për një kryeministër, i cili nuk është peng i krimit të organizuar.
“Edi Rama është i pafuqishëm për të luftuar krimin e organizuar sepse ai është vet krimi i organizuar me pasuritë e trafikantëve. Edi Rama e ka të lidhur pasurinë e tij me familjen e tij.
E ashtuquajtura “Forca ligjit” mund të bënte punë shumë të madhe në Tiranë me trafikantët e drogës në miqësi dhe në biznes me vëllanë e kryeministrit. Pasuritë e Ermal Hoxhës bashkëpunëtorit të Olsi Ramës për ngritjen e laboratorit të kokainës në Xibrakë, nuk duhet të mbetën të paprekshme.
Fatkeqësisht raste si ky i Ermal Hoxhës, Saimir Tahirit apo Taulant Ballës me mikun e tij trafikant që merr tendera publik, tregojnë sa thellë e ka organizuar krimin në Shqipëri. Ligji në duart e Ramës është mjet që i shërben pushtetit të tij.
Për të luftuar krimin e organizuar Shqipëria ka nevojë për një kryeministër, i cili nuk është peng i krimit të organizuar.”, -është shprehur ai./Fjala.al
