Komisariati i Policisë Nr.5 Kamëz, ka finalizuar operacionin e koduar “Proper Movement” me arrestimin e një 58-vjeçari. Arrestimi është bërë i mundur në bashkëpunim me Seksionin për Hetimin e Narkotikëve. Shpërndarja e lëndës narkotike bëhej në doza të vogla.
58-vjeçari i arrestuar ishte shtetasi me inicialet M.J I cili posdonte lëndën narkotike, ndërsa djali I tij 24-vjeçar, shtetasi B.J është shpallur në kërkim.
Nga informacionet e marra dhe veprimet e para hetimore rezultoi se shtetasi B. J. merrej me shpërndarje të lëndës narkotike të llojit cannabis sativa, në afërsi të shkollave të mesme të Kamzës dhe në aktivitetin e tij kriminal ndihmohej nga babai i tij.
Gjatë kontrollit të banesës, Policia gjeti 170 doza me lëndë narkotike cannabis, një sasi tjetër të papaketuar me cannabis sattiva, një makineri që shërbente për bluarjen e lëndës narkotike cannabis dhe sende të tjera, të cilat u sekuestruan në cilësinë e provës materiale.
Tashmë materialet procedurale i kanë kaluar Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e lëndëve narkotike” në ngarkim të shtetasve M.J dhe B.J.
