Kampionati më i madh i futbollit në Itali, njohur ndryshe si Seria A gjithmonë ka tërhequr vëmendjen e Europës për rekordet e arrira.
Rekord në këtë rast nuk mund të quhen vetëm arritjet e skuadrave në pikë, por edhe ajo e trajnerëve të shkarkuar apo ndërruar.
Vetëm në 22 javë të këtij sezoni në pankinat e skuadrave italiane janë shkarkuar nga detyra 11 menaxherë. Në bazë të llogarive i bie që çdo dy javë një teknik është larguar nga stoli i klubit që drejtonte. Torino dhe Brescia ishin dy skuadrat e fundit, të cilat larguan trajnerët e tyre.
Nga skuadra e Milan te Fiorentina e Roma, por edhe skuadrat e tjera më të vogla, të gjitha kanë ndërruar stafin teknik të tyre. Në lidhje me këtë çështje Seria A ia kalon të gjitha kampionateve të tjera./Fjala.al/
