Kristiana K, e cila po gjykohet për vrasjen e pesë fëmijëve në Solingen të Gjermanisë, ka dërguar letra rrëqethëse nga burgu të ëmës së saj dhe të birit të vetëm që i mbijetoi të keqes.
E ëma që në fillim të shtatorit të vitit të kaluar mbyti Luk, 8-vjeçar dhe Tim, 6, Sofian, 3, dhe Melinën, 1, pretendon në letër se është e pafajshme.
Kristiana drogoi fëmijët e saj, më pas i mbyti që të gjithë. Djali më i madh ka mbijetuar pasi në momentin kur ajo kreu sulmin ishte në shkollë.
Letrat i janë lexuar familjes dje gjatë seancës gjyqësore, e në to Kristiana pyet të ëmën se si është Marseli, për të cilin dyshohet se qëllimisht e kishte kursyer nga vrasja.
Madje ka pyetur nëse mund ta shohë, pasi e konsideron veten të pafajshme duke theksuar se nuk i ka kryer vrasjet të cilat rëndojnë mbi të.
Sikur kjo të mos mjaftonte, në letra ajo thekson se si në burg ka “shumë prindër të këqij” që kanë keqtrajtuar fëmijë duke i lënë të vdesin nga uria.
“Si kanë mundur të bëjnë diçka të tillë”, ka pyetur Kristiana në letër. Gjatë procesit të gjykimit, gjykatësi ka theksuar që Kristiana ka qenë plot vetëbesim dhe e vendosur ndërsa i ka shkruar letrat.
Besohet se Kristiana krimin e kreu e pushtuar nga emocionet dhe zhgënjimi pasi ishte ndarë nga bashkëshorti.
