Nga Elton Qyno
Operacioni OFL, më duket një lëvizje tranzitore e qeverisë për të identifikuar me gojën e vetë krimit, të pasurisë së eksponentëve kriminale. Pra krimi duhet të tregojë vetë se çfarë resurse ekonomike ka dhe si i ka siguruar këto resurse. Pra të tregojë burimin. Ndaj dhe shpërndahet ai vetëdeklarimi.
Ne total janë 250 individë të hetuar dhe dënuar për vepra të ndryshme penale që janë identifikuar, por një pjesë e këtyre individëve të listës prej 250 persona janë gjykuar për pasurinë dhe kanë arritur të fitojnë, me argumentin se pjesa më e madhe e tyre ishte ngritur me kontrata huaja dhe kredi bankare.
Shume subjekte të këtij ligji janë në Fier dhe Vlorë ku Arjan Shanaj, Arben Isufaj ose Ben Qimja, Arben Gropa, Fatmir Kajolli, vëllezërit Cillotaj, vëllezërit Murataj, Renatoja dhe deri Geron ose Agron Xhafaj ende se kane pare prezencën e OFL ne perimetrin e tyre.
Agron Xhafaj vëllai i ish-ministrit të Brendshëm është ashiqare subjekt i OFL, por oficerët me syze, këto pesë ditë si kemi parë të zbresin në Gjirin e Vlores. Nëse do zbresin në Vlorë e deri në Sarandë, do kenë aq shumë për të rrethuar sa do u mbarojë shiriti, e do kalojnë tek litari pastaj.
Ndërkohe ky operacion shmang mashtruesit nga kontrolli i pasurisë, mashtruesit e sekserët që me kollare dhe veprime akrobatike, janë pasuruar me vila e jahte në Gjirin e Lalezit. Seksera që nuk kanë bërë asnjë punë dhe s’kanë paguar asnjë taksë janë më të pasur e dhjamosur se këta që po shohim këto ditë të operacionit OFL.
