Sekretari i Përgjithshëm i PS, Taulant Balla është shprehur se Operacioni Forca e Ligjit do të godasë gjyqtarët dhe prokurorët që kanë asistuar grupet kriminale për të ngritur pasuritë e tyre.
Ajo që habit më shumë Ballën është qëndrimi kundërshtues i opozitës që sipas tij, është pa asnjë argument që bazohet në ligj. Ajo që mbetet objektivi kryesor i kësaj paketa është identifikimi, vlerësimi dhe konfiskimi i pasurive të padeklaruara.
‘’Unë besoj që bashkë ndaj me shumicën e qytetarëve që ky është një goditje e rëndësishme e krimit dhe korrupsionit në Shqipëri. Po të kemi parasysh që objektivi është identifikimi, vlerësimi, konfiskimi i pasurive të krijuara nga veprimtaria kriminale dhe grupe kriminale.
Dua të them që reagimi i njerëzve është kuptimplotë dhe e mbështesim. Ajo që më bën përshtypje është edhe ajo para disa kohësh për Reformën në Drejtësi, opozita dhe komentues apo opinionistë që kundërshtojnë pa asnjë argument që bazohet në ligj dhe jo një model i shpikur nga Shqipëria por i implementuar në vende të tjera me të njëjtat problematika.’- tha Taulant Balla./Fjala.al
