Një ditë më parë, Jennifer Lopez festoi ditëlindjen. Në 52 vjetor, ylli i muzikës dukej më mbresëlënëse se kurrë më parë. Këngëtarja festoi në një jaht luksoz në St. Tropez dhe natyrisht pranë saj, ishte dhe Ben Affleck.
Lopez ka ndarë disa fotografi, ku shihet duke u përqafuar dhe puthur me aktorin, duke zyrtarizuar më në fund lidhjen e tyre. Romanca e tyre vjen e nxehtë pas ndarjes së J.LO nga ish ylli i bejsbollit, Alex Rodriguez, me të cilin ishte fejuar.
Lopez dhe Affleck, të cilët fansat iu referohen si “Bennifer” u ribashkuan pas afro 2 dekadash. Ata u fejuan në vitin 2002 dhe u ndanë dy vite më pas.
