Duket se strukturat e Partisë Demokratike janë angazhuar maksimalisht për ta bërë sa më të suksesshëm bashkëbisedimin e Lulzim Bashës me qytetarët në “Facebook”. Ose të paktën kështu pretendon Edvin Kulluri, ish-koordinator në PD dhe sot kundërshtar i Bashës, i cili ka publikuar një mesazh që u është drejtuar strukturave të partisë.
“Kryetari Basha do të jetë sot në orën 18:00 në një bashkëbisedim live në Facebook. Duhet angazhim maksimal që të ndiqet live nga struktura gjatë bashkëbisedimit”, shkruhet në mesazhin e publikuar nga Kulluri.
E megjithë mesazhin që u ka dërguar gjithë strukturave të PD dhe 435 shpërndarje, shkruan Kulluri, prapë vetëm 2200 vetë e shohin në komunikim në Facebook, ose 1.5 vetë në 1000 votues!
“Tani si del kjo puna e “jemi fitues në sondazhe”? Apo e ka blerë Rama Facebook-un?! Komik”, shkruan ish-zyrtari i PD-së.
E “mbytën” me këto dy pyetje, por Bashës “nuk ia kapi syri”
