Anti-KÇK-ja ka filluar aksionin e saj me dy persona të tjerë, të cilët dyshohen e kanë ngritur pasurinë e tyre nga veprimtari e jashtëligjshme. Bëhet Fjalë për Saimir Taullaun banues në Lushnje dhe Arben Isufaj, njohur ndryshe si ‘Ben Qimja’ banues në Fier.
Saimir Taullau 47-vjeçar është vëllai i Baki Taullaut dhe është i skeduar nga Policia e Shtetit si një person me precedent të mëparshëm penalë.
Atij i janë bërë dy atentate por ai ka arritur të shpëtojë me vetëm një plumb. Saimir Taullau, njihet si një biznesmen në Lushnjë dhe aktivitetin e tij e ka zgjeruar edhe në Greqi dhe Itali dhe mendohet që janë ngritur mënyrë të jashtëligjshme.
Saimir Taullau, i njohur si armiku i bandës së Aldo Bares. Në vitin 2005, vëllai i tij u vra, ndërkohë që Saimiri, vëllai i tij, ishte dëshmitar në gjyq, ku ka dëshmuar dhe ka akuzuar si autorë të vrasjes, pjesëtarët e këtij grupi me urdhër të Bares.
Arben Isufaj ose Ben Qimja gjatë viteve 2004 dhe 2005 dyshohet se është marrë me aktivitet kriminale në Hollandë dhe Itali, duke shitur dhe trafikuar sasi të konsiderueshme kokaine dhe heroinë. Si pasojë e këtij aktiviteti, policia e Fierit argumenton se Isufaj ka mundur të përfitojë shuma të konsiderueshme parash, të cilat dyshohet se i ka investuar në Shqipëri, ku një pjesë të pronave janë të regjistruara në emër personave që janë rreth familjar me Isufaj, me inicialet A.Ç dhe L.Ç.
Biznesmeni fierak Arben Isufaj, dyshohet se ka trafikuar nga Hollanda në drejtim të Italisë, një sasi prej 23 kilogramë kokainë./Fjala.al
