Georgina Rodriguez u rrit në Jaca, një qytet në Spanjën veri-lindore dhe pjesë e provincës së Huesca, afër Pireneve. Ajo lindi nga një mama spanjolle dhe baba argjentinas. Georgina mësoi vallëzimin përpara se të ndryshonte karrierën dhe të kalonte në modelim pasi studioi anglisht në Londër.
Më vonë u zbulua se babai i saj ishte një trafikant i dënuar i kokainës, i quajtur Jorge Rodriguez, 69 vjeç, i cili kaloi dhjetë vjet në burg.
26-vjeçarja u dallua se po dilte me superyllin e atëhershëm të Real Madridit Ronaldo nga fundi i vitit 2016. Georgina ka pohuar se takimi i saj i parë me yllin e futbollit ishte “dashuri në shikim të parë”.
“Takimi ynë i parë ishte në Guçi, ku unë punova si asistent shitjesh,” -kujtoi ajo në një intervistë për “The Sun”.
“Ditë më vonë, ne e pamë përsëri njëri-tjetrin në një ngjarje të një marke tjetër. Ishte atëherë momenti që ne mund të bisedonim në një atmosferë të relaksuar, jashtë mjedisit tim të punës. Ishte dashuri në shikim të parë për të dy”.-u shpreh modelja.
Lajmet për lidhjen e saj me futbollistin filluan të shfaqen në nëntor të 2016-ës, kur ata u kapën duke shëtitur krah Disneyland Paris dhe duke treguar publikisht dashurinë e tyre për njëri-tjetrin.
Dhe, përkundër faktit se ishin të maskuar, revista italiane ‘Chi’ ishte në gjendje të identifikonte Ronaldon, teksa përkëdhelte të dashurën e tij.
Georgina lindi vajzën Alana Martina më 12 nëntor 2017, me Ronaldon që postoi një foto në Instagram, duke shkruar: “Alana Martina sapo ka lindur! Edhe Geo ashtu edhe Alana janë shkëlqyeshëm! Të gjithë ne jemi shumë të lumtur!”
Si u takuan Georgina Rodriguez dhe Cristiano Ronaldo?
Para takimit me Ronaldon, Georgina punonte në një dyqan Guçi në kryeqytetin spanjoll të Madridit.
Besohet se bukuroshja spanjolle kapi vëmendjen e Cristiano Ronaldo në zonën VIP të një ngjarje Dolce & Gabbana.
Prej sa kohësh kanë qenë Georgina Rodriguez dhe Cristiano Ronaldo bashkë?
Çifti duket se filloi të takohej disa muaj pasi Ronaldo u kap duke dal me modelen e fitnesit Cassandre Davis në gusht 2016.
Dhe, përderisa është e vështirë të dihet saktësisht se sa kohë kanë qenë Ronaldo dhe Georgina bashkë, data e parë e tyre publike ka qenë në mesin e nëntorit 2016.
Më 23 shkurt 2017, Ronaldo bëri shaka me një shok duke i thënë që të jetë “i kujdesshëm” kur ai postoi një foto së bashku me Georgina.
Sa fëmijë ka Cristiano Ronaldo?
Ylli tani ka katër fëmijë pas lindjes së Alana Martina.
Ronaldo, 32 vjeç, mirëpriti binjakët, Eva dhe Mateo , në qershor 2017 pasi një nënë surrogate i kishte lindur ata në Amerikë. Ai është gjithashtu babai i djalit shtatë vjeçar Cristiano Ronaldo Jr.
Kush është babai i Georgina Rodriguez?
Jorge Rodriguez ishte një i dënuar për kokainë dhe kanabis, “The Sun”zbuloi në Tetor 2018.
Argjentinasi ka kaluar dhjetë vjet të jetës së tij në burg, pasi ishte burgosur dhe në vitin 2003.
Ai u dënua me 11 vjet burgim për krijimin e një komploti të dështuar për të kontrabanduar më shumë se 100,000 paund në vlerë për 83% kokainë të pastër nga Spanja në Francë.
Pasi u la i lirë me kusht në vitin 2008, ai tentoi sërish të kontrabandonte 1 milion rrëshirë kanabisi nga Maroku në Spanjë me bashkëpunëtorë e tij. Për këtë, ai u dënua sërish me dy vjet burg dhe u la i lirë në 2013-ën./Fjala.al/Përshtati në shqip: Katerina Tafa/
