“Jack the Ripper” është vrasësi serial, fajtor për vrasjen e 5 prostitutave, të cilave u priste fytin dhe më pas u shkaktonte gjymtime të mëdha. Njëra nga mushkëritë e viktimave i dërgohej Policisë së bashku me një letër anonime.
Mary Ann Nichols u gjet më 31 gusht, Annie Chapman mw 8 shtator, Elizabeth Stride më 30 shtator, Catherine Eddowes më 30 shtator dhe Mary Jane Kelly më 9 nëntor janë viktimat e Jack the Ripper. Përpjeket e shumta për ta kapur dështuan dhe shigjetat e kritikave u drejtuan natyrshëm drejtuesit të Scotland Yard, Sir Charles Warren, i cili u detyrua të japë dorëheqjen.
Emrat më të dyshuar pas vrasësit ishin Montague Druitt, një mësues i fiksuar me kirurgjinë dhe me probleme të shëndetit mendor; piktori Walter Sickert, fizikanti Sir William Gull dhe Aaron Kosminski, një emigrant polak i njohur për urrejtjen ndaj grave (kryesisht prostitutave). Krimi ngeli mister deri sa shkenca më në fund arriti të shpërndajë çdo mit, hamendësim dhe histori imagjinare.
Bazuar në testet e ADN-së, shkencëtarët zbuluan se njeriu që vrau të paktën pesë prostituta me një egërsi të jashtëzakonshme ishte emigranti polak Aaron Kosminski.
Në veçanti, ekzaminimi i një shalli të gjetur pranë trupit të njërës prej viktimave, Catherine Eddowes.
Analizat se ADN treguan se ato korrespondojnë 100% dhe se emigranti polak ishte fajtor për kryerjen e krimeve të tmerrshme. Kështu, u konfirmua versioni kryesor i Scotland Yard, i cili në 1888 e konsideroi Aaron Kosminsky të dyshuarin kryesor në çështjen e një serie vrasjesh brutale të prostitutave londineze. Berberi imigrant më pas u shpëtua nga burgu nga përkatësia e tij fetare. Kosminsky u identifikua nga një prej dëshmitarëve, por më vonë vendosi të tërhiqte dëshminë e tij. Mbi të gjitha, i dyshuari, ashtu si dëshmitari okular i krimit, ishte një hebre.
Pasi çështja u prish, policia u detyrua të lirojë Kosminsky, megjithëse ai nuk qëndroi i lirë për një kohë të gjatë. Në 1891, përfundoi në një spital për të sëmurët mendorë, pasi u përpoq të vriste motrën e tij. Pasi Kosminsky u izolua, sulmet ndaj prostitutave në Londër pushuan.
