Deputeti demokrat, Edi Paloka ka përkujtuar ditën e sotme Azem Hajdarin, 23 vite pas vrasjes së tij.
Me anë të një postimi në rrjetin social Facebook, Paloka shkruan se PD asokohe humbi një nga luftëtarët e vërtetë për liri dhe të drejta.
Megjithatë, mes rreshtave Paloka nuk lë pa përmendur as Sali Berishën.
“Azem Hajdari dhe Sali Berisha janë pjesa më e mirë e historisë sonë , të historisë së shqiptarëve gjatë këtyre 30 viteve pluralizëm!”, shkruan Paloka duke dhënë dhe një mesazh mbështetës për ish-kryeministrin, i cili u përjashtua nga Basha nga grupi parlamentar i PD.
Ky vendim i Bashës ka shkaktuar shumë tensione në Partinë Demokratike, me një pjesë të konsiderueshme të deputetëve që kanë dalë kundër vendimit te Bashës.
Paloka, sëbashku me Nokën dhe Shehun ishin ndër deputetët që shoqëruan Berishën në Parlament. Kështu Paloka shpreh sërish mbështetjen për Berishën edhe në rrjetet sociale, duke i dhënë një mesazh të qartë kryedemokratit Basha.
Postimi i plotë i Palokës:
“23 vite me pare ne humbem Azem Hajdarin ne nje pusi te ngritur nga bandat e pushtetit! Humbem nje nga luftetaret e vertete per liri dhe te drejta, mbase te paperseritshem ne llojin e tij! Azemi eshte nje pjese thelbesore e historise se PD dhe pluralizmit ne Shqiperi. Azemi eshte shembulli me i qarte se liria dhe te drejtat fitohen ne beteja balle per balle, ne beteja te forta e te veshtira, qe mund te kerkojne dhe sakrifica sublime por pa te cilat eshte e pamundur te fitohet. Azem Hajdari dhe Sali Berisha jane pjesa me e mire e historise sone , te historise se shqiptareve gjate ketyre 30 viteve pluralizem !
Nderimi i kesaj historie nuk eshte thjeshte detyrim moral i yni , por detyrim ndaj vlerave dhe bazamentit te parimeve mbi te cilin duhet te ngrihet dhe e ardhmja e ketij vendi!
Respekt e nderim!”, shkruan Paloka.
