Modestia e tij është edhe një nga vlerat më të mëdha që ka treguar që kur është ngjitur në majën e sportit më popullor në rruzullin tokësor. Ylli i Barcelonës, pas përplasjeve jo të vogla në klub, humbjes dramatike ndaj Bilbaos për Kupën e Mbretit, nga stërvitja ka shkëputur një moment me Rei Manajn, talentin shqiptar që së fundmi iu ka bashkëngjitur Barcelonës.
Kështu Lionel Messi ka qenë i përfolur shumë kohëve të fundit nëpër media për një postim të tij në InstaStory. Reagimi i argjentinasit kishte ardhur pasi një interviste të Eric Abidal që kishte dhënë për mediet spanjolle, i cili kishte thënë se për dështimet e Barcelonës kohëve të fundit fajet i kanë edhe lojtarët e jo vetëm trajnerët. Pas kësaj Messi reagoi ashpër duke thënë se do të ishte mirë nëse Abidal, që është drejtor sportiv i Barcelonës, “të përmendte emra specifik e jo t`i përgjithësonte gjërat”.
E pas kësaj përplasjeje Messi është parë i lumtur në stërvitje para se Barcelona të udhëtojë për në ndeshjen e radhës në La Liga kundër Real Betisit. Ai ka postuar disa foto në Instagram nga stërvitjet e Barcelonës, në mesin e tyre edhe atë me Rei Manaj që Barcelona e transferoi gjatë afatit kalimtar të janarit. Ndryshe Rei Manaj ishte transferuar për të luajtur me Barcelona B por trajneri i Blaugranas e ka ftuar atë në ekip të parë për shkak të lëndimeve që ka kjo skuadër, madje ai është futur edhe në listën B të Barcelonës për ndeshjet në Ligën e Kampionëve, ndonëse në ndeshjen e parë ai u ndëshkua me karton të kuq! n.k/Fjala.al/
