Barcelona pa Lionel Messi-n ishte tepër e dobët për Bajernin e Mynihut, që në Spanjë fitoi pastër me rezultatin 3-0.
Një gol i Myler dhe dy gola të Levandovskit u dhanë gjermanëve tri pikët e para në këtë grup, ku në ndeshjen tjetër mes Dinamos së Kievit dhe Benfikës skuadrat ndanë nga një pikë pas barazimit pa gola.
3 me 0 fitoi edhe Juventusi në transfertë, por ndaj një kundërshtari modest si Malmo suedeze. Golat për bardhezinjtë u shënuan që të gjithë në pjesën e parë me Alex Sandro, Dybala dhe Morata. Kjo ishte fitorja e parë për këtë sezon e Juventusit në të gjitha kompeticionet.
Ndeshja më e balancuar e natës së parë të Champions-it për këtë sezon ishte ajo mes Vilarealit dhe Atalantës. Takimi në Spanjë mes dy skuadrave u mbyll në barazim 2-2.
Të mërkurën luhen ndeshjet e grupeve të tjera, ku bien në dy sfidat Inter-Real dhe Liverpul-Milan.
