Tetë kanë ndërruar jetë dhe të paktën gjashtë të tjerë kanë mbetur të plagosur pasi një i ri hapi zjarr në Universitetin Shtetëror të Perm-it në Rusi. Sipas raportimeve, autori është një 18-vjeçar, student i Universitetit që u qëllua nga policia e ndërroi jetë më vonë nga plagët e marra.
Mediat tashmë kanë publikuar edhe pamje të momentit kur Timur Bekmansurov neutralizohet nga policia. Përpara sulmit, ai kishte lënë edhe një shënim.
“Vendosa për datën, 20 shtator. Ndërsa përpiqem të studioj pasazhet midis ndërtesave…. E urrej veten, por dua të lëndoj këdo që më pengon. Zilja u bë edhe më e fortë, si një vezë që më shtrëngonte kokën. Ndjenja se gjithçka përreth është vetëm një ëndërr nuk zhduket. Unë nuk shoh asnjë arsye për të shkruar diçka tjetër. Në fund, mund të them se nuk jam i pari dhe as i fundit . Nuk do të shpëtoni nga arma, do të vriteni nga makinat, bombat, thikat, gjithçka që ju vjen në mend. Njerëzit si unë do të shkatërrojnë gjithçka përreth jush,” u citua të jetë shprehur autori nga mediat.
Pamjet e publikuara në mediat sociale tregonin studentët që në momentin e sulmit hidheshin nga dritaret për t’u shpëtuar plumbave.
