Pas situatës së krijuar në Afganistan, ku pushtetin tashmë e kanë marrë talebanët, Shqipëria mbështet punën e OKB-së në Misionin e Asistencës në këtë shtet të lindjes së mesme.
Lajmin e ka dhënë Ministria e Punëve të Jashtme në një njoftim për takimet e ministres Xhaçka në kuadër të pjesëmarrjes në punimet e sesionit të 76-të të Asamblesë së Përgjithshme të OKB-së.
Ministrja për Evropën dhe Punët e Jashtme mori pjesë në diskutimin mbi situatën në Afganistan, të organizuar nga Ministria daneze e Punëve të Jashtme dhe Instituti Ndërkombëtar i Paqes.
Ministrja Xhaçka u shpreh se Shqipëria e ka treguar përkushtimin e saj ndaj qytetarëve të Afganistanit, duke qenë vendi i parë që u ofroi strehim refugjatëve.
