Gjatë merkatos së janarit skuadra e Partizanit afroi në radhët e saj mbrojtësin e kundërshtarëve të tyre, Dorian Kërçikun, i cili erdhi me shumë bujë te të kuqtë, pasi ishte gati në finalizimin e kontratës me ekipin e Bylisit dhe në moment të fundit u zyrtarizua te kampionat e Shqipërisë.
Ndaj Kërçikut pati në sërë sulmesh, pasi presidenti i Bylisit Besnik Kapllanaj e quajti këtë veprim si një tradhti. Megjithatë një muaj pas kësaj lëvizje ajo që ka tërhequr vëmendjen e të gjithëve është mungesa e mbrojtësit te ndeshjet e zhvilluar së fundmi nga ekipi i Partizanit.
Për këtë mungesë u aludua se qëndronte mbrapa një lëndim i Kërçikut, por duket se ai është federuar me ekipin B të Partizanit, duke i lënë kështu më shumë hapësirë klubit për afrime të të huajve. Debutimi me Partizanin B për mbrojtësin u bë në fundjavën që lamë pas, me Kërçikun që duket se do jetë në fushë këtë mesjavë për të luajtur ndeshjen për Kupën e Shqipërisë.
Këtë javë “Demat” kanë dy ndeshje të rëndësishme, të mërkurën do të përballen me ekipin e Besëlidhjes në “Elbasan Arena”, ku duhet të përmbysin 3 gola. Ndërsa, në fundjavë të kuqtë do udhëtojnë për në Kurbin k do të kenë përballë skuadrën e Laçit që është po ashtu një takim shumë i vështirë, në kuadër të Kategorisë Superiore./Fjala.al/
