Në “Big Brother VIP” zbuluam shumë të panjohura dhe detaje personale nga personazhet publikë që u bënë pjesë e tij. Që nga tradhëtia që kishin pasur apo që kishin kryer ndaj partnerëve të tyre konkurrentët, fëmijëria apo edhe dramat e tyre më të mëdha të jetës dhe sfidat me të cilat ata janë përballur.
Paloma, në një bisedë me Monika Lubonjën, ka rrëfyer dhunën nga bashkëshorti i saj, muzikanti Alandy. Gazetarja e njohur ka treguar të gjithë skenën e momentit kur është dhunuar nga ai. Sipas versionit të Palomës, veprimet që ai ka kryer ndaj saj, ishin shumë të rënda dhe se ajo e ka duruar këtë situatë për 8 vite rresht, pasi Alandy më parë ka pasur një varësi ndaj alkoolit.
“Më kapte kështu për të më përplasur në tokë. Më pëplaste në tokë. Dhe unë që mbahesha tek ai, sepse mendoja se do të më plaste koka në tokë si shalqi. Siç ishte nga kuzhina me thikën në dorë dhe unë që i thoja: “Të lutem hiqe thikën”. Më mori nga dera përjashta për të më hedhur në tokë. Aty pastaj mora policinë. U bëmë gazi i botës, po nuk kisha çfarë të bëja. Durova 8 vjet, vitet e fundit u rëndua gjendja. E humbi logjikën.”-tha Paloma.
