Në 18 tetor 1978 vdes në Havana, në moshën 65 vjeçare agjenti i famshëm i KGB-së Ramon Mercader. Mercader, do të njihet gjerësisht për publikun ndërkombëtar, si vraësi i Leon Trotsky-t, në Meksikë në vitin 1940.
Mercader, vrau revolucionarin bolshevik rus Leon Trotsky në Mexico City në gusht 1940 me një sëpatë akulli.
Jaime Ramón Mercader del Río i lindur në 7 shkurt 1913 i njohur më shumë si Ramón Mercader, ishte një komunist spanjoll. Ai u rekrutua nga shërbimi sekret sovjetik, dhe i kamufluar si gazetar, godet me kazëm në kokë Trotsky-n në zyrën e këtij të fundit. Më pas Mercader dënohet me 20 vjet burg, dhe pas lirimit ikën në Moskë ku dekorohet me medaljet më të larta, për shërbimet e tij.
Mercader iu dha titulli Hero i Bashkimit Sovjetik, Urdhri i Leninit dhe Ylli i Artë pas lirimit nga një burg meksikan në 1960. Ai e ndau kohën e tij midis Kubës, Bashkimit Sovjetik dhe vendeve të tjera.
