Një emigrant ilegal shqiptar, i cili ishte në arrati për më shumë se 11 vjet pasi makina e tij goditi për vdekje një burrë që po shkonte në shtëpi, u dënua sot me 15 muaj burg. Aleksi Shyti ishte duke përdorur një dokument të rremë identiteti grek, kur makina e bardhë Rover 211 që po drejtonte, goditi Ricky Burlton.
Shyti, i cili nuk kishte pasur kurrë një leje drejtimi, vazhdoi rrugën përgjatë autostradës A10 Hoddesdon në Hertfordshire me një xham të thyer për njëqind metra përpara se të largohej nga vendi i ngjarjes në këmbë. Ai u pa me fytyrën e mbuluar me gjak, duke ecur përgjatë rrugës. Në vend që të thërriste shërbimet e urgjencës për të ndihmuar mekanikun 20-vjeçar, ai i telefonoi një shoku për ta ndihmuar të shkonte në spital.
