Një vjetori i Qendrës Tumo, Veliaj: Ia ka vlejtur çdo energji për investimin

113 563 lexime

124,178FansaPëlqeje

Në 1-vjetorin e qendres ‘Tumo’ kryebashkiaku i Tiranës, Erion Veliaj, Ambasadorja e SHBA-së, Yuri Kim dhe Drejtori i Fondacionit të Zhvillimit Shqiptaro-Amerikan, Michael Granoff, zhvilluan një takim me fëmijët dhe të rinjtë që aftësohen në qendrën Tumo.

Teksa vlerësoi punën e bërë gjatë këtij viti, Veliaj e cilësoi qendrën e teknologjisë si një investim me vlerë për të ardhmen e fëmijëve dhe të rinjve.

“Përgjegjësia jonë sot është të projektojmë Tiranën e vitit 2050 dhe Tirana në vitin 2050 do të jetë si kjo sallë: Fytyra juaj do të jetë fytyra e Tiranës dhe e gjithë Shqipërisë,” tha Veliaj. Ai u shpreh i entuziazmuar për faktin se në një vit, qendra Tumo është zgjeruar shumë. “Kur e filluam, ishim shumë të vetmuar. Me dy drejtuesit e AADF-së në Tiranë dhe Majkëlli, i cili për shkak të pandemisë na ndiqte në distancë, na duhej më shumë ta besonim se sa të shihnim sepse s’kishte asgjë për të parë, në njëfarë mënyre vumë një bast dhe basti që vumë është investimi që kemi sot, që ia vlen. Ia ka vlejtur çdo qindarkë, çdo minutë, çdo sekondë dhe çdo energji që kemi shpenzuar për këtë projekt,” u shpreh Veliaj.

Ambasadorja Yuri Kim u shpreh e frymëzuar nga talenti i të rinjve të qendrës Tumo dhe projekteve të tyre, duke i motivuar që të ecin me idetë dhe përpjekjet e tyre në fushën e inovacionit.

 

 

“Nëse do të isha në moshën tuaj, do të doja të isha shoqja juaj. Por, edhe në moshën që kam sot, sërish do të doja të isha pjesë e shoqërisë suaj, pasi dua të jem si ju! Nëse gjatë punës tuaj do keni momente kur nuk do ia dilni, apo do bëni diçka të gabuar, duhet ta dini se dështimi është një hap larg suksesit. Mendoni më shumë, përtej ambientit tuaj, përtej Tiranës, përtej Shqipërisë! Ju nuk jeni thjesht disa të rinj të këtij qyteti, apo të këtij vendi. Ju do të jeni një shkëndijë për botën, ndaj dua të them se jam shumë krenare për ju,” u shpreh ajo.

Lexo edhe :  Holta Zaçaj: Ligjet nuk mbahen mend se si janë shkruar, por se si zbatohen

Në mesazhin e tij, Drejtori i Fondacionit për Zhvillim Shqiptaro-Amerikan, Michael Granoff, i cili është ëshë mbështetësi kryesor i TUMOs në Tiranë, tha se teknologjia dhe zhvillimi është çelësi kyç për të ecur përpara. “Nëse duam të dimë si duket e ardhmja e vendit, ajo duket si të gjithë ju. Ju jeni një komunitet që do ta bëni këtë realitet. Natyra e atyre gjërave që bëni këtu, ndodhin kudo nëpër botë. Nëse ju doni të jeni pjesë e botës dhe pjesa tjetër e botës dëshiron të jetë si ju, teknologjia është një prej çelësave kyç për të ecur përpara”, tha Granoff.

Tumo Tirana është një qendër edukative, e themeluar nga Fondacioni Amerikano-Shqiptar i Zhvillimit, në partneritet me Bashkinë e Tiranës, që u ofron të rinjve të moshës 12-18 vjeç mundësi unike për të zbuluar risi teknologjike, artistike dhe sipërmarrëse. Mbi një mijë studentë ndjekin seminaret në TUMO çdo javë në robotikë, informatikë, lojëra kompjuterike, dizajn grafik, muzikë dhe filma. Gjatë aktivitetit për 1-vjetorin e qendrës, të rinjtë ekspozuan projektet e tyre, si dhe ndanë përvojat e tyre në TUMO, pasionin e tyre për teknologjinë, synimet për të ardhmen dhe dashurinë për komunitetet e tyre.

Të fundit

Jetonte vetëm dhe në kushte të vështira, emri i 52-vjeçares që humbi jetën në Pogradec

Një 52-vjeçare ka humbur jëtën në orët e para të mëngjesit pasi u asfiksua nga zjarri që përfshiu banesën...

Vrasja e dezertorëve, Stalini shpall Urdhrin nr. 227: “Asnjë hap pas!”

28 korrik 1942 – Lufta e Dytë Botërore: Nga Leonard Veizi Filmi “Enemy at the Gates”, - ku interpreton aktori i famshëm britanik Xhud Lo,...

Grekët “vajtojnë” për shqiptarët? Mungojnë punëtorë në turizëm

Industria e turizmit në Greqi po vuan nga një mungesë akute e stafit. Ajo mbështetet te punëtorët e huaj. Por Athina po i pengon...

Zjarret masive në Turqi, 3,500 qytetarë evakuohen nga Bursa, katër viktima (VIDEO)

Më shumë se 3,500 banorë u evakuuan nga shtëpitë e tyre të gjatë fundjavës përreth qytetit industrial të Bursës, në veri-perëndim të Turqisë, për...

Muskujt kundër mendjes

Nga Lutfi Dervishi Një polic godet me shpullë një kamarier 18-vjeçar. Fadroma që shembin shtëpitë në Theth. Policë në pozicion luftimi. Mungoi vetëm desantimi i...

Lajme të tjera

Web TV