Aktorja dhe deputetja e Kuvendit të Kosovës, Adriana Matoshi, ka dalë me sukses nga operacioni i tumorit në kokë, që i rrezikonte jetën.
Familjarë të aktores dhe deputetes kosovare kanë bërë të ditur se operacioni ka kaluar me sukses dhe se Matoshi, tani ndodhet jashtë rrezikut për jetën.
Lajmin e ka konfirmuar edhe i dashuri i aktores, Keith Groeneveld, i cili ka bërë një postim ku shkruan “faleminderit Zot”.
Kujtojmë që deputetja vetëm pak ditë më parë njoftoi se përsëri pas 9 vitesh do duhet të luftonte me tumorin që i i ishte rikthyer.
Sapo dha lajmin trishtë gjithë artistë dhe qytetarët i dolën në mbështetje deputetes, teksa i uronin shërim të shpejtë.’
