Në orët e para të mëngjesit të sotëm policia ka ndërmarrë një aksion blic në zonën e autostradës Tiranë-Durrës, duke goditur një grup që merrej me trafikimin e lëndëve narkotike, kokainë.
Sipas informacioneve, aksioni lidhet me goditjen e grupit që merrej për shitjen e lëndëve narkotike. Arrestimi i 4 personave është kryer në një nga banesat që ishin në pronësi të shtetasit Elton Tafa. Ai njihet si person me precedent penal, për vjedhje automjetesh, armëmbajtje pa leje.
Persona të tjerë të arrestuar janë Egzon Murataj, Mhill Boja dhe Gerrard (Ervin) Kaçi.
Aksioni i policisë është kryer në lagjen e banuar të Autostradës, te vendi që lidh me zonën e Treshit, prapa Ardenos. Policia ndërkohë sipas burimeve akoma nuk ka dalë me një komunikatë për këtë aksion të realizuar dhe se të ndaluarit po merren në pyetje në komisariati numër 6 të kryeqytetit.
