Ministrja e Bujqësisë Frida Krifca ka vizituar së bashku me Drejtorin Rajonal të Bankës Botërore për Bujqësinë, Steve Navon Schonberger dhe Drejtorin për Shqipërinë, Emanuel Salinas, serën me perime organike në Mbrostar të Fierit.
Sipas ministres, programi #IPARD ka ndihmuar krijimin e këtyre modeleve mjaft të mira të zhvillimit.
Postimi i plotë
Në Mbrostar të Fierit, bashkë me Drejtorin Rajonal të Bankës Botërore për Bujqësinë, Steve Navon Schonberger dhe Drejtorin për Shqipërinë, Emanuel Salinas, për një vizitë pune tek Ina e cila me dashurinë për bujqësinë, na frymëzoi me modelin e punës së saj në serrën e perimeve organike ku dija, përkushtimi, vizioni për praktika të mira bashkohen me besim në teknologji për prodhim cilësor e të synuar. Me programin #IPARD kemi ndihmuar krijimin e këtyre modeleve mjaft të mira të zhvillimit. Kështu do të vijojmë të mbështesim zhvillimin edhe për më shumë prodhues profesionistë si Ina, të rinj energjik, me pasion dhe mendësi e vizion të qartë për të ardhmen e bujqësisë.
Ministria e Bujqësisë dhe Zhvillimit Rural
