Në lidhje me situatën në Partinë Demokratike, analisti Ylli Dylgjeri ka bërë një krahasim të goditur në rrjetet sociale. Ai ka publikuar një foto nga brenda selisë blu, gjatë momentit kur thyhet dera e sallës së mbledhjeve.
“Jo-Balllkan i hapur, Po-PD e hapur”, shkruan ai duke ironizuar demokratët të cilët shprehen kundër nismës së marrë nga tre shtetet, por ndërkohë krijojnë skena si e sotmja në seli.
Sali Berisha iu drejtua sërish Selisë së PD ditën e sotme, aty ku u regjistrua dhe bëma e radhës. Teksa Berisha po kërkonte për sallën e konferencës, një prej mbështetësve të tij theu derën e sallës që ishte e mbyllur.
Fatjon Dauti, i shoqëruar me nipin e ish-kryeministrit, Dritan Berisha u akuzua sot nga Partia Demokratike se i nxitur nga Flamur Noka goditi me shqelm derën e sallës së mbledhjeve të Selisë Blu.
