Orëve të para të ditës së sotme, diku rreth orës 3.30 një banesë në Gjirokastër është sulmuar nga grabitësit. Shtëpia e sulmuar mësohet se ishte e një çifti të moshuarish dhe se ata janë dhunuar dhe janë detyruar të tregojnë se ku janë të gjitha paratë.
Agresorët kanë marrë çfarë kanë gjetur dhe kanë ikur në drejtim të paditur për policinë, ndërsa dy të moshuarat kanë lajmëruar policinë pak kohë më vonë. Ata nga frika se mos grabitësit mund të mos jenë larguar janë vonuar në telefonimin e policisë e për pasojë blutë kanë shkuar në të zbardhur në shtëpinë e sulmuar. Rreth pesë orë pas ngjarjes policia ka dalë me një informacion paraprak për ngjarjen duke treguar fshatin dhe banesën e sulmuar nga grabitësit.
Informacioni i policisë
Rreth orës 03:30, në fshatin Terihat, Bashkia Dropull, persona ende të paidentifikuar, kanë hyrë në banesën e shtetasit V.B., ku ndodheshin dy të moshuara dhe kanë marrë një sasi parash dhe janë larguar. Në vendngjarje ka shkuar grupi hetimor, ku vijojnë veprimet për zbardhjen e ngjarjes, identifikimin dhe kapjen e autorëve. Policia ka nisur hetimet dhe mësohet se ka mundur të sigurojë disa gjurmë të dy grabitësve, të cilët sipas dëshmisë së dy të moshuarve kanë qenë me maska dhe me armë./Fjala.al
