Presidenti i Republikës, Ilir Meta, ka marrë pjesë në Festën Kombëtare të Serbisë, një ceremoni kjo e organizuar nga ambasada serbe në Tiranë.
Presidenti i Shqipërisë ka thënë se bashkë me Serbinë dhe Kosovën duhet të zgjidhin problemet historike në mënyrë që mos jenë më peng i tyre.
“Sot mora pjesë në ceremoninë e organizuar me rastin e Festës Kombëtare të Serbisë.
Duke e falënderuar Ambasadorin Miroljub Zariç për pritjen e ngrohtë, shpreha bindjen se ëndrra e shumë qytetarëve të Serbisë për anëtarësimin e vendit në tyre në Bashkimin Europian, është ende e fortë.
Për ta bërë rajonin tonë më të sigurt, më të besueshëm dhe mbi të gjitha më atraktiv për të rinjtë tanë në Shqipëri, në Serbi e Kosovë, në mënyrë që ata ta shohin të ardhmen në vendet e tyre, është e domosdoshme një frymë e re e fqinjësisë së mirë, bashkëpunimit, mirëkuptimit dhe e zgjidhjes së problemeve historike, për të mos qenë më peng i tyre.
Suksese të ardhmes europiane të Serbisë dhe rajonit tonë!”, shkruan Ilir Meta në një postim në Facebook.
