Nuk ka një manual se si të jetosh më gjatë. Megjithatë, ka disa zgjedhje të stilit të jetesës që mund të kontribuojnë në jetëgjatësinë. Nga dieta e shëndetshme te stërvitja, kujdesi për trupin tuaj është një mënyrë për të ulur rrezikun e problemeve serioze shëndetësore, duke përfshirë sëmundjet e zemrës dhe presionin e gjakut.
Jetëgjatësia në MB ka rënë paksa gjatë viteve të fundit, sipas Zyrës për Statistikat Kombëtare. Sëmundja kryesore e të gjithëve ka qenë Covid. Por ka edhe probleme të tjera shëndetësore që mund të jenë kërcënuese për jetën, si sëmundjet e zemrës. E klasifikuar si shkaku kryesor i vdekjes nga Organizata Botërore e Shëndetësisë, kjo gjendje mund të shkaktohet nga mostrajtimi i presionit të lartë të gjakut.
Pija e vetme që mund të zvogëlojë rrezikun e zhvillimit të këtyre të dyjave është çaji i zi. Sipas një studimi të publikuar në American Journal of Clinical Nutrition, çaji i zi është një zgjedhje e mirë për uljen e presionit të lartë të gjakut. Studimi raporton se konsumimi i rregullt i kësaj pije të nxehtë mund të ulë “menjëherë” hipertensionin.
Pjesëmarrësit në studim pinin çdo ditë tre gota çaj të zi dhe i ndjenin efektet e tij për gjashtë muaj, kjo bazuar në nivelet e presionit të gjakut dhe rrahjeve të zemrës. Një studim tjetër, i botuar në revistën PLOS One, konfirmon më tej këtë pretendim, por paralajmëron se ky reduktim i presionit të gjakut është “i vogël”.
“Edhe pse efekti është i vogël, ai mund të jetë i rëndësishëm për shëndetin kardiovaskular në nivel popullsie”, shton studimi. Kur bëhet fjalë për rrezikun e sëmundjeve të zemrës dhe çajit të zi, The American Journal of Medicine ofron përgjigjen. Hulumtimi i tyre zbuloi se marrja e rregullt e këtij çaji mund të ndihmojë në reduktimin e faktorëve të ndryshëm të rrezikut për sëmundjet e zemrës, të tilla si kolesteroli i lartë, nivelet e larta të triglicerideve dhe obeziteti.
Një studim tjetër në Gazetën Evropiane të të ushqyerit klinik pa se ata që pinin tre filxhanë çaj të zi në ditë kishin një rrezik 11% më të ulët për të zhvilluar sëmundje të zemrës.
Çaji i zi është i pasur me antioksidantë të quajtur flavonoide. Ato kanë veti të dobishme anti-inflamatore dhe mbrojnë qelizat tuaja nga dëmtimi oksidativ. Këto të mira kanë qenë gjithashtu të lidhura me shëndet më të mirë të zemrës, sipas Bibliotekës Kombëtare të Mjekësisë.
Numri i filxhanëve përgjatë studimeve ndryshonte, por shumica shikonin sasi më të larta prej rreth tre deri në pesë në ditë. Provat sugjerojnë se pirja rregullisht e çajit të zi mund të ulë rrezikun e zhvillimit të sëmundjeve të zemrës. Gjithashtu ka kërkime bindëse që tregojnë se mund të ulë gjithashtu presionin e gjakut. Megjithatë, disa kërkime shpjegojnë se ky reduktim është i vogël dhe mund të nevojiten ndërhyrje të tjera.
Burimi: express.co.uk
