Avokatët e Cristiano Ronaldos dyshohet se kanë kërcënuar Kathryn Mayorga me “ekspozim publik” dhe “poshtërim” nëse ajo vazhdonte të fliste me policinë në lidhje me dëshminë e saj kundër futbollistit.
Kathryn Mayorga ka akuzuar sulmuesin për përdhunimin e saj në një dhomë hoteli në Las Vegas në vitin 2009.
Por supozohet se avokatët kryesorë që përfaqësojnë Ronaldon dhe trajtojnë çështjen civile e paralajmëruan vajzën se nëse ajo vazhdon të flasë me policinë, ata nuk do të vazhdojnë zgjidhjen dhe do ta akuzojnë publikisht për zhvatje. Pretendimi u zbulua në një transkript gjyqësor të zbuluar nga ‘The Sun’.
Avokati i Mayorga-s, Leslie Mark Stovall, i tha Gjykatës së Qarkut të SHBA-së në shtator të vitit të kaluar se avokatët e Ronaldos kishin bërë ‘detyrat e tyre të shtëpisë’ për Mayorga-n dhe e dinin se reja ishte “e cenueshme ndaj një individi shumë të fuqishëm dhe se ajo kishte frikë nga publiciteti”.
