Pas sulmit që Rusia ka ndërmarrë në Ukrainë duke sulmuar dhe hedhur raketa që disa qytete të ndryshme dhe duke goditur bazat ushtarake, presidenti i Shqipërisë Ilir Meta njoftoi se do të mbledhë sot Këshillin e Sigurisë.
‘Pas agresionit rus në Ukrainë, Presidenti i Republikës Ilir Meta mbledh sot Këshillin e Sigurisë Kombëtare në ora 17:30.’- njofton presidenca.
Rusia sot ka tundur themelet e rendit ndërkombëtar! Mëngjesin e sotëm forcat ruse kanë nisur një sulm të madh ushtarak në Ukrainë nga Donbasi. Bëhet fjalë për disa dhjetëra të vrarë deri tani, ushtarë e civilë. Vladimir Putin, ka nisur ‘pushtimin’ e Ukrainës në shkallë të plotë. Në një fjalim para sulmit ai ka deklaruar se ka nisur një operacion special për çmilitarizimin e Ukrainës.
