Numri i viktimave nga koronavirusi në Kinë arriti në 1,770, njoftoi sot Komisioni i Shëndetit Kombëtar. Vetëm te dielën janë raportuar 100 vdekje nga virusi i rrezikshëm.
Nderkohë që në mbarë botën siç raporton BBC, numri i përgjithshëm i rasteve të konfirmuara me koronavirus aktualisht qëndron në 70,548.
Mbi 2,000 rastet e reja në 24 orët e fundit pasuan tri ditë të rënies së numrit të tyre.
Shumica e rasteve të reja u raportuan në qytetin Wuhan, i cili është edhe qendra e shpërthimit të koronavirusit. Jashtë Kinës, ka pasur më shumë se 500 raste në gati 30 vende.
Nderkohë katër persona kanë vdekur jashtë Kinës: në Francë, Hong Kong, Filipine dhe Japoni.
