Franca ka befasuar me shumën që ka vendosur të dhurojë për rindërtimin e zonave të dëmtuara në Shqipëri nga tërmeti i 26 nëntorit. Plot 100 milionë euro ka vendosur të japë Parisi për Shqipërinë. Pas 115 milionë euro të Bashkimit Evropian, shuma e Francës është më e larta që një shtet dhuron në Konferencën e Donatorëve që po zhvillohet në Bruksel.
Edhe Italia ka vendosur një shumë të konsiderueshme në dispozicion të Tiranës. Qeveria italiane do të dhurojë 65 milionë euro për rindërtimin.
Shtete të tjera që kanë kontribuar janë Gjermania me 11 milionë euro, Suedia me 5.6 milionë euro, Holanda 3 milionë euro, Danimarka dhe Polonia me nga 2.7 milionë euro, Britania e Madhe me 1 milion paund dhe Kroacia 1 milion euro.
