Nuk ka kaluar pa batutën e radhës edhe konferenca e përbashkët për shtyp e presidenten e KE-së Ursula Von Der Leyen me kryeministrin shqiptar Edi Rama
I pyetur nga gazetarët në lidhje me hapjen e negociatave në muajin mars, Rama i emocionuar dhe me humor deklaroi se nuk mund të kërkonte më shumë nga BE-ja, por duhet vetëm të gjente një hudhër, që të mos prekej nga syri i keq.
“Tani ende jemi të shokuar dhe të tronditur, dhe nuk do të guxoja të kërkoja më shumë në mars në maj apo kurdo, sesa të gjej një hudhër dhe ta vendos në mur se e kemi këtë traditë të vjetër në Shqipëri, kundër syrit të keq, se kur merr një lajm kaq të mirë ke frikë mos ndodh diçka e keqe. Kështu më lini të gjej një hudhër në fillim e pastaj të mendoj për hapjen apo mos-hapjen e negociatave të anëtarësimit“.
